Sreeragamo Thedunnu nee - Malayalam LyricsBack

 ശ്രീ രാഗമോ തേടുന്നു നീ

ഈ വീണ തൻ പൊൻതന്തിയിൽ

സ്നേഹാർദ്രമാം ഏതോ പദം

തേടുന്നു നാം ഈ നമ്മളിൽ

നിൻ മൗനമോ പൂമാനമായ്

നിൻ രാഗമോ ഭൂപാളമായ്

എൻ മുന്നിൽ നീ പുലർ കന്യയായ്

ശ്രീ രാഗമോ തേടുന്നു നീ

ഈ വീണ തൻ പൊൻതന്തിയിൽ

പ്ലാവിലപ്പൊൻ തളികയിൽ

പാൽപ്പായസ ചോറുണ്ണുവാൻ

പിന്നെയും പൂമ്പൈതലായ് കൊതി

തുള്ളി നിൽക്കുവതെന്തിനോ

ചെങ്കദളിക്കൂമ്പിൽ ചെറു തുമ്പിയായ് തേനുണ്ണുവാൻ

കാറ്റിനോടു കെഞ്ചി ഒരു നാട്ടു മാങ്കനി വീഴ്ത്തുവാൻ

ഇനിയുമീ തൊടികളിൽ കളിയാടാൻ മോഹം

ശ്രീ രാഗമോ തേടുന്നു നീ

ഈ വീണ തൻ പൊൻതന്തിയിൽ

കോവിലിൽ പുലർ വേളയിൽ ജയദേവ ഗീതാലാപനം

കേവലാനന്ദാമൃത ത്തിരയാഴിയിൽ നീരാടി നാം

പുത്തിലഞ്ഞിച്ചോട്ടിൽ മലർമുത്തു കോർക്കാൻ പോകാം

ആനകേറാ മേട്ടിൽ ഇനി ആയിരത്തിരി കൊളുത്താം

ഇനിയുമീ തൊടികളിൽ കളിയാടാൻ മോഹം

ശ്രീ രാഗമോ തേടുന്നു നീ

ഈ വീണ തൻ പൊൻതന്തിയിൽ